Улаанбаатар хотоос 5км-ийн зайд байрлах “Чингис хааны хүрээ” жуулчны бааз бол Монголын анхны гэр ресторан бүхий цогцолбор юм. Хорин жилийн түүхтэй уг цогцолборын архитектур, тохижилт нь XIII зууны үед Чингис хааны амьдран суудаг байсан хот хүрээг санагдуулам гэдгээрээ онцлог.

Хотоос холгүй атлаа байгалийн сайхныг цогцлоосон байршилтай энэхүү амралтын газрыг сонгосноор та морь унах, малчин айлд зочлох, нум сум харвах, шувуу харах гэх мэт нүүдэлчин ахуй болоод Монголын уламжлалт түүхэн соёл иргэншилтэй танилцаж ч болох юм.