Улаанбаатар хотын зүрхэнд байрлах нэгэн буйдхан газраас хотын хамгийн халуун дулаан, дотно уур амьсгал мэдрэгдэнэ. Их хотын хамгийн догь залуус энд цуглаж жазз хөгжмийн цоглог бас намуун хөгжмийн хэмнэлд үдшийг өнгөрүүлдэг. Энэ бол Фат Кат Жазз клуб…

Хөгжимд хайртай, ялангуяа Жазз хөгжмийг таашаадаг хэн бүхэн энэ газрыг алгасах ёсгүй. Тэгвэл бид танд энэхүү жазз клубээр зочлох 6 шалтгааныг хэлж өгье.

“Фат Кат” хэрхэн мэндэлсэн бэ?

The Jazz Train хамтлагийн бүрээчин Хонгор жазз клуб нээх тухай мөрөөдлөө өөрийн найз Магнолиан хэмээн олонд танигдсан дуучин Дөлгөөнд хуваалцжээ. Тийнхүү жазз клуб байгуулах тухай яриа анх 2018 оны 4 сард өрнөсөн байна. Клуб байгуулахад шаардлагатай хөрөнгийг босгохын тулд Дөлгөөн 30 найзаасаа 1000 доллар зээлэх санаа гаргасан нь амжилттай болжээ. Хүмүүс тэдний санааг тун тааламжтайгаар хүлээн авч, хөрөнгө оруулалт ч эхнээсээ орж эхлэв. Хонгор, Дөлгөөн хоёр дөрөвхөн сарын хугацаанд санаагаа бодит болгож клубээ байгуулж чаджээ. Өөрсдийн хүссэн орчныг хамтдаа бүтээж чадна гэдэгт итгэсэн догь муурнууд Фат Катыг байгуулснаараа онцлог.

1. Амьд хөгжмийн тоглолт

Фат Кат жазз клубыг зорин ирэх хамгийн гол шалтгаан бол амьд хөгжмийн тоглолтууд. Ням гаргаас бусад бүх өдрүүдэд энд амьд хөгжмийн тоглолт болдог. Мөн сар бүр Монголын болон Европ, АНУ болон Өмнөд Африкийн авьяаслаг уран бүтээлчдийн тоглолтуудыг хүргэдэг. Улаанбаатар дахь Гёте хөгжмийн тэнхим болон JazzLab агентлагийн ачаар дэлхийн өнцөг булан бүрээс ирсэн нэртэй, амжилттай яваа жазз хөгжимчдийг урьж, тоглолтуудыг нь зохион байгуулах зэргээр дэлхийн жазз урлагийг яг энд таны дэргэд авчирч байна. Фат Катад долоо хоногийн Пүрэв-Бямба гараг хүртэл томоохон тоглолтууд болж, үндсэн том шоугаар өндөрлөдөг. Эдгээр тоглолтуудын тасалбар ихэвчлэн хурдан зарагддаг тул эртхэн захиалгаа өгөөрэй.

Ковидын дараах хотын дүнсгэрийг жазз хөгжмөөр сэрээх зорилгоор Jazz City Revival хэмээх нэртэй олон улсын жазз хөгжмийн наадмыг 5 долоо хоногийн турш 2021 онд амжилттай зохион байгуулсан. Герман, Өмнөд Солонгос, Өмнөд Африк болон Америк улсаас ирсэн 40 гаруй уран бүтээлчид гэр хорооллын гудамжинд үнэгүй тоглохоос эхлээд томоохон урлагийн тайз гэх мэт хотын ойр орчмын 10 байршилд тоглолт үзүүлбэрээ үзүүлсэн. Монголын жазз хөгжмийг газрын зурагт оруулахад, мөн УБ дахь жазз хөгжмийг хөгжүүлэхэд энэхүү наадам ихээхэн дэмжлэг үзүүлжээ.

2. Орчны уур амьсгал

Бүдэгхэн гэрэл, чулуун ханатай Фат Кат нь дэлхийн хаа нэгтээ байх жазз клубыг санагдуулахын зэрэгцээ зөвхөн киноноос харж, хөгжмөөс мэдрэх боломжтой цаг хугацаа, орон зайгаар таныг аялуулна. Уран бүтээлчид өөрсдийнхөө гарын үсгийг ханын тоосго дээр бичиж үлдээсэн байдаг бөгөөд нарийн ажиглавал клубын эд эс бүхэнд өөрийн гэсэн түүх өгүүлж байгааг та мэдрэх болно.

Ковидын дараах хотын дүнсгэрийг жазз хөгжмөөр сэрээх зорилгоор Jazz City Revival хэмээх нэртэй олон улсын жазз хөгжмийн наадмыг 5 долоо хоногийн турш 2021 онд амжилттай зохион байгуулсан. Герман, Өмнөд Солонгос, Өмнөд Африк болон Америк улсаас ирсэн 40 гаруй уран бүтээлчид гэр хорооллын гудамжинд үнэгүй тоглохоос эхлээд томоохон урлагийн тайз гэх мэт хотын ойр орчмын 10 байршилд тоглолт үзүүлбэрээ үзүүлсэн. Монголын жазз хөгжмийг газрын зурагт оруулахад, мөн УБ дахь жазз хөгжмийг хөгжүүлэхэд энэхүү наадам ихээхэн дэмжлэг үзүүлжээ.

3. Уух зүйлс

Энд тансаг коктэйл болон вино, виски болон бусад уух зүйлсийн маш өргөн сонголттой. Меню нь улирал тутам шинэхэн коктэйл болон зарим зуушны төрлийн зүйлээр үргэлж шинэчлэгдэн солигддог. Коктэйл бүр нь өөрийн гэсэн үүх түүхтэй бөгөөд менюн дээрх тайлбар бүртэй нь танилцсанаар та энэ орой өөрт тохирох коктэйлээ сонгох боломжтой. Бартендерүүд нь өөрсдийн гэсэн хаус коктэйлийг найруулдаг бөгөөд тэрийг та өөр хаанаас ч амтлах боломжгүй.

Ковидын дараах хотын дүнсгэрийг жазз хөгжмөөр сэрээх зорилгоор Jazz City Revival хэмээх нэртэй олон улсын жазз хөгжмийн наадмыг 5 долоо хоногийн турш 2021 онд амжилттай зохион байгуулсан. Герман, Өмнөд Солонгос, Өмнөд Африк болон Америк улсаас ирсэн 40 гаруй уран бүтээлчид гэр хорооллын гудамжинд үнэгүй тоглохоос эхлээд томоохон урлагийн тайз гэх мэт хотын ойр орчмын 10 байршилд тоглолт үзүүлбэрээ үзүүлсэн. Монголын жазз хөгжмийг газрын зурагт оруулахад, мөн УБ дахь жазз хөгжмийг хөгжүүлэхэд энэхүү наадам ихээхэн дэмжлэг үзүүлжээ.

4. Соёлын төв

Амьд тоглолт болон уух зүйлсээс гадна Фат Кат жазз клуб нь оригнал жааз хөгжмийн дуу бичлэг хийх маягаар Монголын жазз хөгжмийг дэмжихийг зорьдог. Тэд 2019 онд анхныхаа Fat Cat Family Vol I: Day Off цомгийг гаргасан бөгөөд сонгодог жазз хөгжмийг анхны хувилбараар болон шинэчлэн найруулсан хувилбараар тогложээ. Монгол маягийн жазз дуугаралтыг бүтээх нь тэдний мөрөөдөл.

5. Үзэгчид

“Муур нь гудамжинд амьдардаг хүнээс эхлээд хуульч, эмч, дээд удирдлагаас доод ажилтан гээд хэн ч байж болно. Гэхдээ тэд сайхан сэтгэлээр, ижил дуу хөгжмийг хамтдаа таашааж чадаж байгаа бол тэр нь муур мөн” гэх алдарт дуучин Луи Армстронгийн хэлсэн үгнээс урам зориг аван клубынхээ нэрийг өгчээ. Энд хуульч, эмч, уран бүтээлч, улс төрч, оюутан, гадныхан, банкир, дизайнер, тамирчид зэрэг бүх төрлийн хүмүүс ирж мөр зэрэгцэн суугаад амтат коктейл ууж, аялгуут хөгжим сонсоцгоодог.

6. Үйлчилгээ

Бүдүүн муур нь Улаанбаатар хотын хамгийн сайн үйлчилгээтэй газруудын нэг. Ажилтнууд нь найрсаг, мэргэжлийн бөгөөд хос хэлтэй. Байнгын зочдынхоо хувьд ямагт нэг номерт явдаг ба хүмүүст гэртээ байгаа мэт мэдрэмж өгөхийг хичээдэг.

Монголын жазз хөгжмийн товч түүх

Одоогоос 50 жилийн өмнө Монгол Улсын Филармонийн хөгжмийн институтын дэргэд анхны жазз хөгжмийн хамтлаг болох Баянмонгол байгуулагджээ.

Монголд циркийн урлаг хөгжихтэй зэрэгцээд жазз хөгжмийн зэмсгүүд болох саксофон, банжо зэрэг нь анх 1940-өөд онд орж ирсэн хэдий ч 1970-аад оноос л албан ёсоор жазз гэх тодотголтойгоор хөгжиж эхэлсэн байдаг. Тийнхүү жазз урлаг нь хурдацтай хөгжсөөр Их Талын жазз ТББ 2000 оны эхээр жазз хөгжмийн дугуйлан хичээллүүлж, олон улсын уран бүтээлчдийг оролцуулсан Их Талын Жазз нэртэй хөгжмийн наадмыг жил бүр зохион байгуулж байлаа.

2012 онд тэрхүү наадамд Германы ахмад хийлч, багш Мартин Зенкэр оролцсон бөгөөд Монголд байхдаа үзэж харсан бүхэн түүнд ихээхэн урам зориг өгчээ. Монгол түүнд үнэхээр таалагдсан бөгөөд тэрээр Улаанбаатар дахь Гёте хөгжмийн танхимыг үүсгэн байгуулсан байдаг. Тэр цагаас хойш тэрээр Монголд жазз хөгжмийг хөгжүүлэхэд үнэтэй хувь нэмэр оруулсан. Улаанбаатар дахь Гёте хөгжмийн тэнхимээс өдгөө Фат Кат жазз клубт байнга ирж тоглодог Монголын жазз хөгжмийн шинэ үеийн хөгжимчид, дуучид болон хамтлагууд төрөн гарч байна.